Samfestingurinn 2. mars

Söngkeppnin er í Óðali í kvöld

Söngkeppni félagsmiðstöðvanna á Vesturlandi verður ekki haldin í Hjálmakletti eins og auglýst var. Keppnin hefur verið færð yfir í félagsmiðstöðina Óðal og hefst þar kl. 19.00 í kvöld.

Söngkeppni félagsmiðstöðva

Söngkeppni Félagsmiðstöðva á Vesturlandi verður í Hjálmakletti fimmtudaginn 26. janúar, kl. 19:00.

Söngkeppni í Óðali

Á miðvikudaginn 11. janúar fór fram söngkeppni nemenda í 5. – 7. bekk í Grunnskólanum í Borgarnesi. Keppnin fór fram í Félagsmiðstöðinni Óðal.   Það var Snæþór Bjarki Jónson í 6. bekk sem sigraði.  Í öðru sæti voru þær Ingibjörg Rósa Jónsdóttir  og Hrafnhildur Tinna Ólafsdóttir  úr 5. bekk og í þriðja sæti voru þær Arna Jara Jökulsdóttir, Sóley Ásta Orradóttir  og Margrét Steinunn Ingadóttir einnig úr 5. bekk.

 

Á fimmtudagskvöldið fór fram söngkeppni nemenda í 8. – 10. bekk og fór hún líka fram í  Óðali.  Það var Unnur Helga Vífilsdóttir í 8. bekk sem bar sigur að hólmi.  Í öðru sæti var Hanna Ágústa Olgeirsdóttir í 10. bekk og í þriðja sæti var Kristín Birta Ólafsdóttir í 8. bekk.  Hægt er að sjá myndir og myndbönd frá söngkeppnunum hér á vefnum.

Myndband af sigurlaginu í 5. – 10. bekk

Myndbönd frá söngkeppni 8. – 10. bekk

Myndir frá báðum söngkeppnunum

Söngkeppni Óðals 8. – 10. bekkur

Unnur Helga syngur sigurlagið

Söngkeppni Óðals 5. – 7. bekk

Snæþór tekur sigurlagið

Söngkeppni Óðals 2012

N.F.G.B.’s photostream on Flickr.

Söngkeppni Óðals 2012

N.F.G.B.’s photostream on Flickr.

Litlu jólin

Litlu jólin voru haldin með hefðbundnu sniði hér í skólanum í morgun. Nemendur mættu klukkan 9 og héldu þá hver til sinnar stofu. Þar var ýmislegt gert til skemmtunar en um hálf ellefu leytið var síðan farið í íþróttahúsið þar sem nemendur 3. og 4. bekkjar sýndu helgileik. Að því loknu sýndu nemendur 6. bekkjar nokkur létt atriði. Loks fluttu 10. bekkingar Grýlukvæði Jóhannesar úr Kötlum á nýstárlegan hátt og sýndu dans. Loks var gengið í kringum jólatréð og jólasveinar kíktu í heimsókn. Hægt er að sjá myndir á vef skólans

Nú er komið jólafrí en kennsla hefst að nýju 4. janúar næstkomandi, samkvæmt stundaskrá.  (grunnborg.is)

Jólaútvarpið á netinu

Á þessari slóð er hægt að hlusta á jólaútvarpið á netinu: mms://media.nepal.is/odal.  Til að hlusta á það í útvarpinu þarf að stilla á FM 101.3.  Dagskráin er svo hér: Dagskrá Jólaútvarps Óðals fm 101,3 2011